॥ अमृतवेल ॥
वृत्त: ओंवी
पहांटेस, येतां जाग
अंबा पावली, पावली
दारीं माझ्या, तारुण्याची
मैत्रवेल फोंफावली !
पानोंपानीं टंवटंवी
रंग हिरवा, हिरवा
आंठवांचा, वेलीवर
घुमे मंजुळ पारवा !
फुलले न, अंगोपांगीं
चांफे-गुलाब, गुलाब
तरी घाली भूल मनां
गार सांवलीचा लाभ !
गप्पाटप्पा विनोदांचा
यावा सुकाळ, सुकाळ
नाहो चिंब, सुगंधात
आयुष्याची संध्याकाळ !
दिन, उरले सुरले
असे जगावे, जगावे
वेलीला या, अमृताच्या
फूल कस्तुरीचे यावे !!
********
----- रविशंकर.
१४ फेब्रुवारी २००९.
वृत्त: ओंवी
पहांटेस, येतां जाग
अंबा पावली, पावली
दारीं माझ्या, तारुण्याची
मैत्रवेल फोंफावली !
पानोंपानीं टंवटंवी
रंग हिरवा, हिरवा
आंठवांचा, वेलीवर
घुमे मंजुळ पारवा !
फुलले न, अंगोपांगीं
चांफे-गुलाब, गुलाब
तरी घाली भूल मनां
गार सांवलीचा लाभ !
गप्पाटप्पा विनोदांचा
यावा सुकाळ, सुकाळ
नाहो चिंब, सुगंधात
आयुष्याची संध्याकाळ !
दिन, उरले सुरले
असे जगावे, जगावे
वेलीला या, अमृताच्या
फूल कस्तुरीचे यावे !!
********
----- रविशंकर.
१४ फेब्रुवारी २००९.
No comments:
Post a Comment