॥ जीवन म्हणजे नाटक ॥

॥ जीवन म्हणजे नाटक ॥

नाटक बनवितात दिग्दर्शक व नाटककार
भूमिका मंचावर साकारतात कलाकार

कलाकार खरोखर आपण आपले असतात
वेशभूषा करून मात्र वेगळे दिसतात 

हावभाव असतात प्रसंग भूमिकेनुरूप
कदापि न विसरता आपले खरे स्वरूप

एक रोमांचक नाट्यमंच आहे ही सृष्टी
आपण सारे अभिनयपटु नट वा नटी

नाटककार व दिग्दर्शक परमेश्वर करविता
आपण उगाच समजतो स्वत:लाच कर्ता

’मी मंचावरील जे पात्र’ तेवढेच ज्ञात
नाटकाबाहेरील खरा ’मी’ मात्र अज्ञात

**********************************************

- किशोर कुलकर्णी
२७ मे, २०१५