|| इंदिराजी ||

 

|| इंदिराजी ||

 

 

समर्थ, संसार चांलवाया

‘ इंदिराजीं ' चे च घराणे

राज्य सोंपवुन त्यांचे हांतीं

मस्त रहावें, गात तराणे !!     || १ ||

नातीं-गोतीं-आपले-परके

कमी-ज्यास्तही येणे-जाणे

काय-कुणाचे-किती करावे ?

केवळ ' इंदिराजी ' जाणे !!     || २ ||

लग्न-मुंज-वास्तुशांत आणिक

नात्यांतिल डोहाळजेवणें

कुठे-किती आहेर करावे ?

केवळ ' इंदिराजी ' जाणे !!     || ३ ||

खर्च वेंच नी हिशेबांतले

खर्च-जमे तिल रुपये-आणे

तंतोतंत कसे जुळवावे ?

केवळ ' इंदिराजी ' जाणे !!     || ४ ||

पोरां-टारांचे हंटवाद

थोरांचेही थेर अडाणे

कशी कुठें वेंसण घालावी ?

केवळ ' इंदिराजी ' जाणे !!     || ५ ||

नोकर-चाकर-कामक-यांचे

प्रासंगिक ' अंगांतिल येणे '

कसा-कुठे रट्टा हाणावा ?

केवळ ' इंदिराजी ' जाणे !!     || ६ ||

 

 

अवघड वाटायास लागतां

ओझे घोड्याचेहि, ओंढणे

' ओंढावे हत्ती चे ओझे '

केवळ ' इंदिराजी ' जाणे !!     || ७ ||

म्हणून , घंरच्या सत्तास्थानीं

बसवावें ' इंदिरा ' घराणें

वरवंटा कैसा फिरवावा ?

केवळ ' इंदिराजी ' जाणे !!     || ८ ||

वरवंट्याखालीं, फुलवावे

छन्द, न उगाळतां गा-हाणे

भोंवतालच्या टग्या जगाला

केवळ ' इंदिराजी ' जाणे !!     || ९ ||

ज्याच्या, त्याच्या गळां तंगड्या

कळूं न देतां त्यांस, घालणें

कुठे असे कौशल्य शिकावे ?

केवळ ' इंदिराजी ' जाणे !!     || १० ||

पथ्य एक, अंमलास त्यांच्या

आव्हान न, द्यावयास जाणें

श्राध्द कसें घालतात त्याचे ?

केवळ ' इंदिराजी ' जाणे !!!    ||११ ||

-- रविशंकर.

१० नोव्हेंबर २०२३.