," यू.एस.मॅन-आय.टी.यार
चंगळबाजी अपरंपार
फांटक्या जीन्स-विटके टॉप्स
किंमत फक्त वीस हजार " !! ||१ ||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'बार' मिळतो
'यार' विकत मिळत नाही !! ||२||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'बर्गर' मिळतं
'भूक' विकत मिळत नाही !! ||३||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'पलंग' मिळतो
'झोंप' विकत मिळत नाही !! ||४||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'औषध' मिळतं
'निरोगीपण' मिळत नाही !! ||५||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'कणसं' मिळतात
'माणसं' विकत मिळत नाहीत !! ||६||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'पदव्या' मिळतात
'द्न्यान' विकत मिळत नाही !! ||७||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'पोतीं' मिळतात
'नातीं' विकत मिळत नाहीत !! ||८||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'कांति' मिळते
'शांति' विकत मिळत नाही !! ||९||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'बायको' मिळते
'गृहलक्ष्मी' मिळत नाही !! ||१०||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'चंगळ' मिळते
'मंगल' कांहीच मिळत नाही !! ||११||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'व्हिला' मिळतो
'घर' विकत मिळत नाही !! ||१२||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'वृध्दि' मिळते
'समृध्दि' मिळत नाही !! ||१३||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'भोगणं' मिळतं
'जगणं' विकत मिळत नाही !! ||१४||
'यू.एस.मॅन-आय.टी. यार'
वास्तव कधीच गिळत नाही
डॉलर उधळून 'बक्कळ'मिळतं
'अक्कल' विकत मिळत नाही !! ||१५||
'यू.एस.मॅन-आय.टी. यार' ला
एव्हढं च कधी कळत नाही
डॉलर उधळून 'दाई' मिळते
'आई' विकत मिळत नाही !!! ||१६||
********************************************************************
-- रविशंकर.
२ ऑक्टोबर २०२१.
No comments:
Post a Comment