|| विदारक ||
दादा-भाऊ-पोलीस-हैवान
परस्परां चे ' यार ' आहेत
' तेरी भी चुप, मेरी भी चुप
मध्ये, सगळे च तयार आहेत || १ ||
पन्नास जीव गेले, तरी
' बडे मासे ' पसार आहेत
निलंबनां ची ऐशी-तैशी
अखंड चालूं पगार आहेत || २ ||
वार्तापत्रं , गुळूमुळू
करीत गप्पगार आहेत
निरुद्योगी ' नेटकरी '
' शेरेबाजी ' त बेजार आहेत || ३ ||
बंदोबस्तात लाल दिव्यांच्या
गाड्या फिरकणार आहेत
तंपासाच्या कामांसाठी
पोलीस उसनवार आहेत || ४ ||
चंवकशी समित्यांवरचे
यांतलेच दमदार आहेत
खरे-खोटे, खोटे-खरे
अहवाल लिहून तंयार आहेत || ५ ||
हां हां म्हणतां गायब व्हायला
पुराव्यां चे होकार आहेत
तोड करून फिरणारे
बक्कळ साक्षीदार आहेत || ६ ||
' तारीख पे तारीख ' वाले
वकील, महा हुषार आहेत
जामिनांवर सोडून द्यायला
न्यायाधीशही हंजार आहेत || ७ ||
आज मोर्चे कांढणारे
उद्यां ना दिसणार आहेत
सांत्वना ला जाण्याचेही
नक्की ' ईव्हेण्ट ' होणार आहेत || ८ ||
' तेराव्या ' ला, गांठीं-भेंटीं स
बडी धेंडं जाणार आहेत
' पक्षाध्यक्ष ' पोंचेतोवर
कावळे तांटकळणार आहेत || ९ ||
मृतांसाठी एक लाख
जखमीं स पन्नास हंजार आहेत
' माय-बापां ' च्या डोंळ्यांतले
अश्रू निराधार आहेत ...
' माय-बापां ' च्या डोंळ्यांतले
अश्रू निराधार आहेत ... ... || १० ||
*******************************************
-- रविशंकर.
३१ मे २०२६
