|| नॅनो राणी ||
बांधणी सुबक-रेखीव, भेंकरावाणी
गर्दीत उमगते, जिच्या अंगिचें पाणी
थांबतीं जेथ अडकुनी दांडग्या गाड्या
डौलात धांवते माझी ' नॅनो राणी ‘ !! || १ ||
इंधनात बाविस लीटर, भंरते पोंट
' चोवीस ' च्या सरासरीत, नाही खोंट
गाडीतळांवरीं झटपट, पुढतीं - मागे
फिरवून, मोकळ्या जागीं, चपखल लागे !! || २ ||
डौलदार मस्तित, गजगामिनिची चाल
राष्ट्रीय महामार्गावर, करी कमाल
' बसलो हंसाच्या पाठीवर ‘, वाटावे
' शत लीटर ' मध्ये, ‘ लडाख ' ही गांठावे !! || ३ ||
द्यावयास वर्दी पुढच्या गांवों गांवीं
' नॅनो राणी ' च्या आगमनाची, धांवी
' स्कोडा-होण्डा ' ओलांडुन जी स, सुसाट
तो-यात चालते ' नॅनो ', पांठोपांठ !! || ४ ||
न्याहाळतीं जिला टकमक, खेडोंपाडीं
भंर मंडईतही, वाट शोंधुनी काढी
पसरण्यां पाय चालकास, जागा मोठी
नी स्वयंचलित ' दातेचक्रांची पेटी ' !! || ५ ||
थंडीत गरम, गर्मीत होतसे थंड
इवलेसे इंजिन, ओंढी भार प्रचण्ड
चार माणसां, ऐसपैस बसण्यां जागा
आधुनीक सोयी ? काय हव्या त्या मागा !! || ६ ||
हे पिसासारखे हलके चालन चाक
आटोपशीर अपरे, दिलखेंचक नाक
पेटिका मावतिल दोन, ' डिकी ' चा ढांचा
नी स्वयंचलित हलतीं वरखालीं, कांचा !! || ७ ||
रेडिओ, अणी ब्ल्यू टूथ, रिमोट- कुलूप
मोबाइल वर दिग्दर्शी ' गूगल मॅप '
खास दिवे, दाट धुक्यांत, दावण्यां वाट
नी ' दुग्धवर्णि कोटा ' चा ' एथ्निक् थाट ' !! || ८ ||
‘ एस्. यू. व्ही. मालक ' करितीं ' तोबा तोबा '
रांगेत, होतसे ' स्कोडा ' केविलवाणी
टेंचात संटकते, सुळकन् ' नॅनो-राणी ' !! || ९ ||
माफक इंधन, ना देखभालिचा त्रास
भाग सुटे , मिळतीं टप-यांवर , हमखास
होतसे दुरुस्ती चुटकीसरशी, आणी
कुर्यात धांवते पुनश्च, ‘ नॅनो राणी ' !! || १० ||
आला जर ' अदला बदली ' चा प्रस्ताव
‘ मर्सिडीझ देतो ', म्हटला कोणी राव
सांगेन त्यास, “ लखलाभ तुझी तुज, ' बेणी '
‘ मर्सिडीझ ' मजला, माझिच ' नॅनो राणी ' “ !! || ११ ||
-- रविशंकर.
२१ ऑगस्ट 2021.
No comments:
Post a Comment