॥ निवृत्त ॥
निवृत्त मित्रवर्य
वाखाणण्यांत गेले !
कांही, न संपणार्या
रडगाण्यांत गेले !!
हे खाण्यांत गेले
ते गाण्यांत गेले
कांही चुना-मळणिच्या
घाण्यांत गेले !!
ते शोधण्यांत गेले
हे बोधण्यांत गेले
कांही, नको नको ते
खोदण्यांत गेले !!
हे थुंकण्यांत गेले
ते फुंकण्यांत गेले
कसला न षौक ज्यांना
ते भुंकण्यांत गेले !!
हे चिवडण्यांत गेले
ते निवडण्यांत गेले
कांही, सुवर्णसंधी
दंवडण्यांत गेले !!
ते लाजण्यांत गेले
हे गाजण्यांत गेले
कांही, बसल्या जागीं
खाजण्यांत गेले !!
हे वांकण्यांत गेले
ते झांकण्यांत गेले
कांही, मजा टवाळीची
चांखण्यांत गेले !!
ते सांगण्यांत गेले
हे टांगण्यांत गेले
कांही, 'उठा' म्हणोनी
बांगण्यांत गेले !!
हे खिजविण्यांत गेले
ते शिजविण्यांत गेले
कांही, हुताशनी ला
विझविण्यांत गेले !!
ते रंगण्यांत गेले
हे भंगण्यांत गेले
कांही रुचे न ज्यांना
ते खंगण्यांत गेले !!
हे चाचण्यांत गेले
ते नाचण्यांत गेले
निष्क्रीय ग्रंथप्रेमी
ते, वाचण्यांत गेले !!
ते उजळण्यांत गेले
हे उधळण्यांत गेले
पटले न ज्यांस कांही
ते जळण्यांत गेले !!
हे गुंतण्यांत गेले
ते कुंथण्यांत गेले
ना छन्द-फन्द कसला
ते, खुंटण्यांत गेले !!
ते खोंकण्यांत गेले
हे झोंकण्यांत गेले
उपदेशकार्य प्रेमी
तो, घोंकण्यांत गेले !!
हे लंचकण्यांत गेले
ते पंचकण्यांत गेले
कोणी कुणी, कलत्रांना
वंचकण्यांत गेले !!
ते उडविण्यांत गेले
हे दडविण्यांत गेले
कांही, धुणी फुकटची
बडविण्यांत गेले !!
हे कळण्यांत गेले
ते वळण्यांत गेले
कांही, दळण व्यथांचे
दळण्यांत गेले !!
ते मिरविण्यांत गेले
हे गिरविण्यांत गेले
कांही, भल्या भल्यांची
जिरविण्यांत गेले !!
कांही, भिण्यांत गेले
कांही, पिण्यांत गेले
कांही, धनार्जनार्थ
शिणण्यांत गेले !!
हे चंढविण्यांत गेले
ते रडविण्यांत गेले
कांही, नव्या पिढ्यांना
पढविण्यांत गेले !!
कांही उण्यांत गेले
कांही दुण्यांत गेले
खत्रूड शिष्ठ सोदे
बाकी, पुण्यांत गेले !!!
****************
-- रविशंकर.
१८ डिसेंबर २०१६.
वाखाणण्यांत गेले !
कांही, न संपणार्या
रडगाण्यांत गेले !!
हे खाण्यांत गेले
ते गाण्यांत गेले
कांही चुना-मळणिच्या
घाण्यांत गेले !!
ते शोधण्यांत गेले
हे बोधण्यांत गेले
कांही, नको नको ते
खोदण्यांत गेले !!
हे थुंकण्यांत गेले
ते फुंकण्यांत गेले
कसला न षौक ज्यांना
ते भुंकण्यांत गेले !!
हे चिवडण्यांत गेले
ते निवडण्यांत गेले
कांही, सुवर्णसंधी
दंवडण्यांत गेले !!
ते लाजण्यांत गेले
हे गाजण्यांत गेले
कांही, बसल्या जागीं
खाजण्यांत गेले !!
हे वांकण्यांत गेले
ते झांकण्यांत गेले
कांही, मजा टवाळीची
चांखण्यांत गेले !!
ते सांगण्यांत गेले
हे टांगण्यांत गेले
कांही, 'उठा' म्हणोनी
बांगण्यांत गेले !!
हे खिजविण्यांत गेले
ते शिजविण्यांत गेले
कांही, हुताशनी ला
विझविण्यांत गेले !!
ते रंगण्यांत गेले
हे भंगण्यांत गेले
कांही रुचे न ज्यांना
ते खंगण्यांत गेले !!
हे चाचण्यांत गेले
ते नाचण्यांत गेले
निष्क्रीय ग्रंथप्रेमी
ते, वाचण्यांत गेले !!
ते उजळण्यांत गेले
हे उधळण्यांत गेले
पटले न ज्यांस कांही
ते जळण्यांत गेले !!
हे गुंतण्यांत गेले
ते कुंथण्यांत गेले
ना छन्द-फन्द कसला
ते, खुंटण्यांत गेले !!
ते खोंकण्यांत गेले
हे झोंकण्यांत गेले
उपदेशकार्य प्रेमी
तो, घोंकण्यांत गेले !!
हे लंचकण्यांत गेले
ते पंचकण्यांत गेले
कोणी कुणी, कलत्रांना
वंचकण्यांत गेले !!
ते उडविण्यांत गेले
हे दडविण्यांत गेले
कांही, धुणी फुकटची
बडविण्यांत गेले !!
हे कळण्यांत गेले
ते वळण्यांत गेले
कांही, दळण व्यथांचे
दळण्यांत गेले !!
ते मिरविण्यांत गेले
हे गिरविण्यांत गेले
कांही, भल्या भल्यांची
जिरविण्यांत गेले !!
कांही, भिण्यांत गेले
कांही, पिण्यांत गेले
कांही, धनार्जनार्थ
शिणण्यांत गेले !!
हे चंढविण्यांत गेले
ते रडविण्यांत गेले
कांही, नव्या पिढ्यांना
पढविण्यांत गेले !!
कांही उण्यांत गेले
कांही दुण्यांत गेले
खत्रूड शिष्ठ सोदे
बाकी, पुण्यांत गेले !!!
****************
-- रविशंकर.
१८ डिसेंबर २०१६.
No comments:
Post a Comment