दारू ढोंसून गाडी हांकणं
' सल्लू ' चा अधिकार आहे
माझ्या देशीं,रोख विक्री स
न्याय देवता तयार आहे ॥१॥
सदोष साक्षीपुराव्यांना
लाख-कोटीं चा भाव आहे
चिरडलेल्या अभाग्यां ना
ना नांव ना गांव आहे ॥२॥
डी. जे. लावून नाचणार्यांचा
' भाईजान ' ला आधार आहे
त्यांतलं कोण कोण, गाडीखाली
चिरडून घ्यायला तयार आहे? ॥३॥
इथल्या कोडग्या जनतेचा
गुन्हेगार च हीरो आहे
' इंडिया शायनिंग् ' हाच एक
भलामोठ्ठा झीरो आहे !!! ॥४॥
*********************************
-- रविशंकर.
१० जानेवारी २०१५.
No comments:
Post a Comment